Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 131-1} perum kaṭal teyvam nīr nōkki teḷittu eṉ
• {KALI 131-2} tiruntu iḻai mel tōḷ maṇantavaṉ ceyta
• {KALI 131-3} arum tuyar nīkkuvēṉ pōl maṉ poruntupu
• {KALI 131-4} pū kaviṉ koṇṭa pukaḻ cāl eḻil uṇ kaṇ
• {KALI 131-5} nōkkum kāl nōkkiṉ aṇaṅku ākkum cāyalāy tākki
• {KALI 131-6} iṉa mīṉ ikal māṟa veṉṟa ciṉa mīṉ
• {KALI 131-7} eṟi cuṟā vāṉ maruppu kōttu neṟi ceyta
• {KALI 131-8} neytal neṭu nār piṇittu yāttu kai uḷarviṉ
• {KALI 131-9} yāḻ icai koṇṭa iṉa vaṇṭu imirntu ārppa
• {KALI 131-10} tāḻātu uṟaikkum taṭa malar taṇ tāḻai
• {KALI 131-11} vīḻ ūcal tūṅka peṟiṉ
• {KALI 131-12} māḻai maṭa māṉ piṇai iyal veṉṟāy niṉ ūcal
• {KALI 131-13} kaṭaii yāṉ ikuppa nīṭu ūṅkāy taṭa mel tōḷ
• {KALI 131-14} nīttāṉ tiṟaṅkaḷ pakarntu
• {KALI 131-15} nāṇiṉa kol tōḻi nāṇiṉa kol tōḻi
• {KALI 131-16} iravu elām nal tōḻi nāṇiṉa eṉpavai
• {KALI 131-17} vāḷ nilā ēykkum vayaṅku oḷi ekkar mēl
• {KALI 131-18} āṉā pariya alavaṉ aḷai pukūum
• {KALI 131-19} kāṉal kamaḻ ñāḻal vī ēyppa tōḻi eṉ
• {KALI 131-20} mēṉi citaittāṉ tuṟai
• {KALI 131-21} māri vīḻ irum kūntal mataiiya nōkku eḻil uṇ kaṇ
• {KALI 131-22} tāḻ nīra muttiṉ takai ēykkum muṟuvalāy
• {KALI 131-23} tēyā nōy ceytāṉ tiṟam kiḷantu nām pāṭum
• {KALI 131-24} cēy uyar ūcal cīr nī oṉṟu pāṭittai
• {KALI 131-25} pārttu uṟṟaṉa tōḻi pārttu uṟṟaṉa tōḻi
• {KALI 131-26} iravu elām nal tōḻi pārttu uṟṟaṉa eṉpavai
• {KALI 131-27} taṉ tuṇai illāḷ varuntiṉāḷ kol eṉa
• {KALI 131-28} iṉ tuṇai aṉṟil iraviṉ akavā ē
• {KALI 131-29} aṉṟu tāṉ īrtta karumpu aṇi vāṭa eṉ
• {KALI 131-30} mel tōḷ ñekiḻttāṉ tuṟai
• {KALI 131-31} karai kavar koṭum kaḻi kaṇ kavar puḷ iṉam
• {KALI 131-32} tirai uṟa poṉṟiya pulavu mīṉ allatai
• {KALI 131-33} irai uyir cekuttu uṇṇā tuṟaivaṉai yām pāṭum
• {KALI 131-34} acai varal ūcal cīr aḻittu oṉṟu pāṭittai
• {KALI 131-35} aruḷiṉa kol tōḻi aruḷiṉa kol tōḻi
• {KALI 131-36} iravu elām tōḻi aruḷiṉa eṉpavai
• {KALI 131-37} kaṇam koḷ iṭu maṇal kāvi varunta
• {KALI 131-38} piṇaṅku iru mōṭṭa tirai vantu aḷikkum
• {KALI 131-39} maṇam kamaḻ aimpālār ūṭalai āṅku ē
• {KALI 131-40} vaṇaṅki uṇarppāṉ tuṟai
• {KALI 131-41} eṉa nām
• {KALI 131-42} pāṭa maṟai niṉṟu kēṭṭaṉaṉ nīṭiya
• {KALI 131-43} vāl nīr kiṭakkai vayaṅku nīr cērppaṉai
• {KALI 131-44} yāṉ eṉa uṇarntu nī naṉi maruḷa
• {KALI 131-45} tēṉ imir puṉṉai porunti
• {KALI 131-46} tāṉ ūkkiṉaṉ a ūcalai vantu ē